ఆహ్వానం

నీవు చెప్పే పలుకులింత తీయగా ఉంటాయనుకోలేదు నీ కౌగిల్లో నేనన్నీ మరిచిపోతాను కను రెప్పలకు తాళం వేసి కలలను కూడా నిదురించమంటావు అందరిని మరిచి రమ్మంటావు అన్నీ మరిచి పోమ్మంటావు నీ విందుకు అందరినీ ఆహ్వానిస్తావు నా పేరున ఉన్న ఆహ్వానాన్ని నేను మన్నించక తప్పదు , కానీ ఇప్పుడే కాదు పసి మొగ్గలు పంచామృతాలు రుచించని సిరి మల్లెల సింగారాల్ని పరికించని కాలి అడుగుల మరకలను కడుక్కోని కాస్త శ్రమించని , కాస్త విశ్రమించని అప్పుడు నేనే నీ దగ్గరకొస్తాను మరణమా ... నీ ఆహ్వానాన్ని తప్పక మన్నిస్తాను తప్పదు కదా !