ఈ సాయంత్రంలోకి

ఈ సాయంత్రంలోకి నల్లని జలతారు పరదా కమ్ముకున్న ఈ సాయంత్రంలోకి వాన దీపాన్ని పుచ్చుకుని తను నీ తనువు జలదరించే గాలితోనీ గదిలోకి అడుగిడగానే చూడెలా టప టపా కిటికీలు కొట్టుకుని రివ్వున తలుపులు బార్లా తెరుచుకుని, గూటిలోని పావురాళ్ళు ఒళ్ళు విరుచుకుని నీ హృదయం రెక్కలు విదుల్చుకుని నీ లోపలి మసక కాంతిలోకి ఆకస్మికంగా విశ్వవ్యాప్తమైన రహస్య పూల పరిమళం ఒకటి ఎలా తుంపరై రాలి రాలిపడుతుందో! పరవాలేదు పరవాలేదు: కదిలే తోట నవ్వుతూ కురిసే వానతో గదిలో గూడు కట్టుకునే గాలితో నీ మదిలోకి వచ్చాక బ్రతకడానికి నీకెందుకింక ఆ భయం?