నువ్వున్నావ్

బ్రతుకు భారంగా గడిచినా
లేక సంబరంగా నడిచినా
కదిలే ప్రతీ క్షణంలో నువ్వున్నావ్......
తీయని సుఖాల్లో తేలినా
తీరని దుఖ్ఖంలో మునిగినా
మిగిలే ప్రతీ అనుభవంలో నువ్వున్నావ్......
కదలకుండా పనిచేస్తున్నా
కలలుకంటూ నిద్రపోతున్నా
మెదిలే ప్రతీ ఆలోచనలో నువ్వున్నావ్.......
మనసు వనంలో బడబాగ్ని సాగినా
గుండె గదిలో విరహాగ్ని రేగినా
రగిలే ప్రతీ జ్వాలలో నువ్వున్నావ్.......
మెత్తగా మంచు కురిసినా
జోరుగా వర్షం తడిపినా
వచ్చే ప్రతీ ఋతువులో నువ్వున్నావ్....... 
నాలుగు గోడల మధ్య వున్నా
నలుగురిలో తిరుగుతున్నా
వెళ్ళే ప్రతీ మూలలో నువ్వున్నావ్........
పచ్చని తోటల్లో విచ్చినా
పిచ్చి మొక్కల్లో పుట్టినా
పూసే ప్రతీ పువ్వులో నువ్వున్నావ్........
వెండి వెన్నెల్లో విహరిస్తున్నా
మండే ఎడారిలో నడుస్తున్నా
వేసే ప్రతీ అడుగులో నువ్వున్నావ్.......
చివరికి అద్దంలో నా ప్రతీబింబంలో కూడా నువ్వే ఉన్నావ్..   (This line added by My dearest Friend RUPA )
అందుకే......
కళ్ళు మూసినా నిన్నే చూస్తాను

కళ్ళు తెరిచినా నిన్నే చూడాలనుకుంటాను........!!