వద్దంటే వినవు కదా ....మనసా !

కొండకోనల వెంట 
ఎండమావుల వెంట 
సెలయేరుల వెంట 
వెన్నెల వెంట
పున్నమి వెంట 
అమని వెంట 
యామిని వెంట 
కొలను కమలాలవెంట 
గులకరాళ్ళ వెంట 
గుడి గంటల వెంట
కోయిల వెంట 
కోనేరు వెంట 
కోవెల వెంట 
కడలి వెంట 
కెరటాల వెంట
అలల వెంట 
జలపాతాల వెంట 
మంచుపూల వెంట 
పూల వనాల వెంట 
భ్రమర,తూనీగల వెంట 
విహంగాల వెంట 
పతంగాల వెంట 
హరివిల్లుల వెంట 
చిరుజళ్ళుల వెంట 
విరి వెల్లువల వెంట 
మరుమల్లెల వెంట 
ఆరుద్ర ,మిణుగుర్లవెంట...
కంట నిదురే లేకుంట 
ఈ లోకమంత 
పాంచ భౌతిక సృష్టి వెంట 
గిర గిరా తిప్పేసి ,అన్ని చోట్లా 
అక్షర పుష్పాలనన్నీ విసిరేసి ...
మాల కట్టుకు రమ్మంటే ....
మనసు కెంత హాయి !
నా కలానికెంత విందోయి!!