నువ్వు పట్టుకున్న నా చేయి

రాలిపోవాలనిపించక, కొమ్మని వీడిపోవాలనిపించక, దుమ్మూ దుమారపు గాలికి నిలువలేక విలవిలలాడుతున్న పూవు ఒకటి నా చేతిని పట్టుకున్న ఆ క్షణం ఇప్పటికీ నువ్వు లేని క్షణాలలోకి సాగి 'నాకు సమాధానం చెప్పు' అంటూ నిలదీస్తోంది: ఎవరిని? ఒక పూవుచే ఖండింపబడి అలా నిలబడిపోయిన ఉప్పు కనులై మొండి చేతులై మనిషంత కన్నీటి చుక్కై, ఒక చితాభస్మపు ఏకాకి వనమై యిలా మిగిలే పోయిన ఒక నీలి కంకాళానికి-