ఒక ఆనందం

ఒక ఆనందం కలిగిందంటే పంచుకోవాలనుకుంటాం! ఒక దు:ఖం పొంగిందంటే దించుకోవాలనుకుంటాం! ఒక ఉత్సాహం రేకెత్తితే చెప్పుకోవాలనుకుంటాం! ఒక విషాదం ఎదురైతే వినేవారిని వెదుకుతాం! ఒక విజయం సంభవిస్తే తెలుపుకోవాలనుకుంటాం! ఒక పరాజయం నిలదీస్తే ఓదార్పు ను కోరుకుంటాం! ఒక సమస్య ఎదురైతే మనవాళ్ళని తల్చుకుంటాం! ఒక సంతోషం మనదైతే పదిమందికీ చెప్పుకుంటాం! ఒక సంబరం జరిగిందంటే ఊరందరినీ పిలుచుకుంటాం! ఒక శూన్యం ఏర్పడితే ఐనవాళ్ళని పిలుస్తాం! పెళ్ళిళ్ళు అందరి మధ్య, చావులు కూడా అందరి మధ్య.. ఉరేగింపులు గుంపులు గా, ఉద్యమాలు ఉమ్మడిగా! సమావేశాలు ప్రజలందరూ, జాతరలు జనాలతో! ప్రతి విషయం లో, ప్రతి క్షణమూ తోడును కోరే.. మన మానవ జాతి డబ్బు దగ్గర కి వచ్చేసరికి .. పంచుకోవడం అన్న పదాన్ని ఎందుకు ద్వేషిస్తుంది? ఎందుకు నేస్తం! అంతా తనకే కావలనుకుంటుంది?