ఒంటరితనం ఒకసారి భారం
ఇంకోసారి మనోవికారం
చిరుగాలిలోకి మౌనంగా వ్యాపించే
ఓ గాఢ నిట్టూర్పు అంతరంగం!
ఒంటరితనం ఒక్కోసారి మధురం
ఒక్కోసారి నిశ్శబ్ద ఝంఝూమారుతం-
నైరూప్య నిశా సౌందర్య బీభత్సం!
నక్షత్రాల ఆకాశం బిగించిన పిడికిలి
నేను నాకేతెలియని
దానిలోని రహస్యాన్ని!
కొమ్మమీంచి చెంగున దూకె ఉడత
నా ఒంటరితనమ్మీద దాని పాదముద్రలు!
చల్లని వెన్నెల కురిసే జాబిలమ్మ
నా ఒంటరితనం మీద
ఆమె జారవిడిచిన జోలపాట!
ఇప్పుడు నేనొక్కణ్ణే కానీ, ఒంటరిని కాదు!!
నరేష్
No comments:
Post a Comment