తెల తెల వారుతూ ఉండగానే
మైళ్ళ దూరం నుంచో దూర శ్రవణ యంత్రంలో
ఏంటిది? అన్న బాధాతప్త పలకరింపు
మరికాస్త వేళైన్దేమో లేదో
ఎలా ఉన్నావు బాగున్నావా ?
చెప్పు భయంగా ఉంది ఎవరికీ కనపడని
నాకు మాత్రమే వినిపించిన
మరో ఆత్మీయ వాక్ స్పర్శ
గంటలు గడిచాయో లేదో
ఎందుకిలా ఇంకో సున్నితమైన మందలింపు
సంధ్య వేళకి చూద్దును కదా
గుండె చెమరించే
అనురాగ వాక్యాలు
ఇవన్నీ కేవలం
ఒక మనిషి కోసమో
మనసు కోసమో
కాదు
వీటన్నిటినీ చుట్టుముట్టి
తన గాడ పరిష్వంగంలో
తనది గా
చేసుకున్న
చిన్ని రెండున్నరక్షరాల
"ప్రేమ"
అదే మాటై పాటయి
బాటై...అందరినీ నడిపిస్తుంది
ప్రేమే సత్యము నిత్యమూ అనంతము...
కవితై...కధ అయి ...కలయిక ... అయి
జీవన సూత్రమై..
అలరిస్తుంది..
అందరి మదికీ
అలంకారమౌతుంది
...........................ప్రేమతో.... నరేష్
No comments:
Post a Comment