కళ్ళు ప్రేమిస్తే

కళ్ళు ప్రేమిస్తే ఆ ప్రేమ కు ఆయుష్షెక్కడిది? మనసు ప్రేమిస్తే ఆ ప్రేమకు మరణమెక్కడిది? కోరిక తలయెత్తే ఆ ప్రేమలో నిజాయితీ ఎక్కడిది? అంకితం అనుకున్నచోట భాగం ఎక్కడిది? గుండె నిండిన ప్రేమకు కొరత ఎక్కడిది? అర్పణం తెలియని ప్రేమకు అర్థమెక్కడిది? స్పర్శ తెలియని మనసుకు స్పందన తెలియదా? భావం ఎరుగని దేహం పరవశానికి దూరమా? పెదవికి తెలిసిన ముద్దుకు తడవని ప్రేముంటుందా? హృదయానికి తెలియని ప్రేమకి విలువంటూ ఉందా? ప్రేమంటే ప్రేమే నేస్తం! వివరణలు అనవసరం! అర్థాలకు, తాత్పర్యాలకు అది లొంగని కావ్యం!