డబ్బంటే

డబ్బంటే ఏమిటని వాళ్ళ ఉద్దేశ్యం? ఒక టిష్యూ పేపర్ లా జల్సాలకి వాడతారు! చెమట విలువ తెలియదు , శ్రమకి అర్థం ఎరుగరు! పుట్టిన దగ్గర్నించీ పోగైన బ్లాక్ మనీ తెలుసు! పెద్దల పొజిషన్ ఎక్కడో ఆకాశం లో! పలుకుబడి, అమ్మో మాటకి స్టేట్ వణకాలి! కాలు కదిపితే జనం, నోరువిప్పితే పొగడ్తలు! వాళ్ళ ఫోటోలు ఫ్లెక్స్ లు గా వేలాడతాయ్! నచ్చిన ప్రతిరోజూ..పుట్టిన రోజంటూ.. క్లబ్బుల్లో, హబ్బుల్లో, రిసార్టుల్లో..సరదాలు! వెంట నడిచే వాళ్ళ స్వార్థాలే వీళ్ళ.. బాజాభజంత్రీలు. పాపం, నిజం చెప్పే బాపూల్లేరు! అందుకే అశాశ్వతాన్నే సత్యమన్న భ్ర్హమలో బ్రతుకు! ఎప్పుడూ పబ్లిక్ దృష్టిలోనే, ఐతే ఇంటర్వ్యూలు.. కాదంటే వార్తాపత్రికలు వాళ్ళని నిత్యం మోస్తాయి! కుబేర పుత్రులని, జనం మెచ్చిన ఘనులమని.. తమకు తాము మహా గొప్పని భావించే.. ఉన్నవాళ్ళ సంతతి కి అసలున్నదేమిటి నేస్తం?