అబద్ధాన్ని మోస్తున్న అడుగులు

ఆ అడుగులు ఎంత అందంగా కదులుతున్నాయో బాహ్య ప్రపంచపు రంగులన్నీ ఒంటికి పూసుకొని దేహ ముఖ కవళికల్లో బహు ముఖ సిరులొలకబోస్తూ కబ్జా చేసుకున్న దరిద్రాన్ని కనిపించనీయకుండా దర్జాని చూపిస్తూ

బలహీనతలన్ని సర్దుకుంటూ బక్క చిక్కిన మనసును దాచుకుంటూ నఖిలీ నవ్వొకటి నా మీద విసిరేసి ఎవరెస్టు శిఖరమంత ఎత్తైన అబద్ధం మీద నిలబడి పరపతి చూపిస్తున్నాయా అడుగులు అబద్ధం ఎప్పుడూ గడ్డకట్టిన మంచు ముక్కే కరిగిపోక తప్పదు ఆ అడుగులుకు పోరాటం చేత కాదు ఎలాగో ఒకలాగా ముందుకు వెళ్ళాలన్న నైతికతే లేని ఆశ తప్ప అబద్ధాన్ని మోస్తున్న ఆ అడుగులు కనిపిస్తాయి సచిత్ర వర్ణ చిత్రంలా స్వచ్చమైన నిజంలా దర్జా అడుగుల వెనుక కబ్జా చేసిన దరిద్రం కనిపించకుండా పోతోంది గరీబులెవరో నవాబులెవరో ఆ అడుగుల గమ్యం ఏమిటో