కట్టెలు

ఊపిరి ఆగితే మనిషి కట్టేనా ? ఉసూరుమంటుంది మనసు మరణం చేస్తున్న గాయాన్ని మరిచిపోలేక మరణ సంతకం మనిషిని మనిషికి దూరం చేస్తుందా ? పంచుకున్న ప్రేమలు పెంచుకున్న అనుబంధాలు జ్ఞాపకాల మబ్బులై కురిసే చినుకుల్లా అప్పుడప్పుడవి పలకరిస్తుంటాయి హాయిగా పడుకున్న ఆ కట్టెలది మౌనం వాటి భాష కాదు నిశ్చలనం వాటి రోగం కాదు నిద్ర వాటి యోగ ముద్ర కాలిన కట్టెలు చెప్పేదొక్కటే తాను పిడికెడు బూడిదంత మిగులుతానని మరణం ఏ అతీత శక్తి రాత కాదు జననం తనకు తాను రాసుకున్న చివరి లేఖ అని .