ప్యార్ కి యాతో డర్ నా క్యా? జబ్ ప్యార్ కియాతో డర్ నా క్యా?

చాదస్తం కాకపోతే ఇప్పటి ప్రేమలకు భయమెక్కడిది? అదేమిటో ఈ తరం లవ్వంతా పార్కులలో, సినిమా హాళ్ళలో, ఫోన్స్ లో, ఈ మధ్య కాలం లో చాట్ చాటున సాగుతోంది! వాటిని స్వీట్ నథింగ్స్ అనకూడదు, డిస్కషన్స్ అనాలి! అప్పట్లో ప్రేమికులు నువ్వంటే నాకిష్టం, నువ్వే నా ప్రాణం, అని ఎంతో ఇదిగా చెప్పుకునేవాళ్ళు. ఇప్పుడదేమీ లేనట్టుంది! నాకింత సాలరీ, నీకెంత? కటింగ్ ఎంత? ఓ విల్లా కొందాం.. నీ జీతం ఖర్చుకి, నా జీతం అప్పుకి కట్టుకుందాం అనుకుంటారు. తమాషా గా ఉంది ఈ మార్పు, ఇది మంచికా చెడుకా కూడా తెలియడం లేదు! ఇదివరకు అబ్బాయిలకి అమ్మాయిల అందం నచ్చి ప్రేమ పుట్టేది! అమ్మాయిలకి అబ్బాయిల బుద్ధ్హి నచ్చి ప్రేమ పుట్టేది! కానీ ఈ రోజుల్లో ప్రేమ కు మూలం యాటిట్యూడ్ అంటున్నారు. ఆ గై యాటిట్యూడ్ బాగుంటుంది! ఆ గాళ్ ది భలే యాటిట్యూడ్.. వింటున్నాం ఇలాంటివంతా! ఒకరికొకరు మనసుపడేందుకు, మనసు కాదు కారణం, పద్దతి! ఏం చెప్పాలో , ఏమిటో! కులం గురించి ఆడిగితే కొట్టేలా లుక్ ఇస్తారు! గుణం గురించి మాట్లాడే ఛాన్స్ ఇవ్వనే ఇవ్వరు! తల్లిదండ్రుల వివరాలు అనవసరం, ముందువెనకలు అడగొద్దు! పిల్లలు, పిల్లలు చూసేసుకుని ముహూర్తాలకు పెద్దలను పొమ్మంటున్నారు! ఆ కొసరు గౌరవం మాత్రం ఎందుకు నేస్తం!? అవసరమా?