అమ్మ నాన్న కథ...

వాళ్ళిద్దరూ ప్రేమైక జంట- వారిది అన్యోన్యదాంపత్యం! అవును మరి- అతడు అనుమతించిన వనాలలోనే విరబూసి పరిమళించే పూదోట ఆమె... అతడు స్వరపరచిన బాణీలోనే రాగమాధురి ఆలపించే కోకిల ఆమె! అతని కనుసన్నల సీమలోనే నర్తించే కదలికల మయూరి ఆమె... అతదు తూచిన కొలమానాల మేరకు ప్రసరించే ప్రేమానురాగాలు ఆమెవి- ఆమె ప్రపంచమంతటా అతనొక్కడే! నిజంగా అతడి హృదయ వైశాల్యమెంతో ఆమెకన్నా బాగా మరింకెవరికి తెల్సు? జీవిత కాలమంతా అతడిచ్చిన ఓ పదెకరాల పరిధిలోనే ఆమె బ్రతుకు వ్యవసాయం! ఇది ఒక ఆమె కథ కాదు- నన్ను కన్న మా ' అమ్మ కథ '... అతడు ఎవరో కాదు- నన్ను పెంచిన మా ' నాన్న '...