నిశ్శబ్ద మాధుర్యాన్ని
నీ కేమీ కాను నేను
నిను గన్న అమ్మను కాను
జీవితం పంచుకున్న అర్ధాంగిని కాను
నీ తోడ బుట్టలేదు నేను
నీ తోడి ఆడిపాడలేదు నేను
ఫలించిన నీ రేతస్సును కాను
గర్వించే నీ యశస్సు నూ కాను
అయినా..............
ఏమీ కాని , నేనే
నీకు "అన్నీ" అది నాకు తెలుసు
అందుకే చెప్తున్నా
నేను నిన్నావరించిన
"నిశ్శబ్ద మాధుర్యాన్ని"
నీ చుట్టూ....
నీతోనే ఉంటూ...
నీలోనే ఉంటూ.....
నా అస్తిత్వాన్ని పండించుకుంటాను.
No comments:
Post a Comment