అలసి వచ్చిన

అలసి వచ్చి
ముఖాన చెమటని తుడుచుకుని
----గూటిలో దీపం వెలిగించుకుని
రాత్రిలో ఒక్కడే
బియ్యంలో వేపాకులు ఏరుకుని
--ఇంత అన్నం వొండుకుంటాడు
అతను: ఏదో ఆలోచనలో
-స్నానానికై తెచ్చుకున్న
తువ్వాలుని తలకు చుట్టుకుని
మట్టి కుండలోని నీళ్ళు
-కడుపు నిండుగా తాగిమంచంపై ఒరిగిపోతాడు

అలాగే అతను: యిక నేను
ప్రత్యేకంగా చెప్పాలా మీకు

-----శరీరాన్ని తుడుచుకున్న
గరుకైన ఆ ఎండిన తువ్వాలూ

ఏరుకుని వొండుకున్న అన్నమూ
హృదయం నిండుగా తాగిన నీళ్ళూ

మెత్త లేని మంచమూ
అలసి ఆరిన దీపమూ

దయ లేని నిదురా
ముళ్ళ మెలుకువా

అంతా అన్నిటా
-----ఆమే అని?