తూర్పు ఆకాశం కిటికీలోంచి కొత్తగా ఉంది

వేకువ జామున
తూర్పు ఆకాశం కిటికీలోంచి
కొత్తగా ఉంది,


చూస్తూనే ఉన్నాను!


పక్షులెగురుతుండగా
మసక చీకటి చివరన
సూర్యోదయం..
రెండు కళ్ళు చాలవేమో
ఆ అందాన్ని
ఆస్వాదించడానికి.


అలికిడయితే పక్కకు చూసా
అక్కడ నవ్వుతూ నువ్వు
నీ చిరునవ్వుల్లో పువ్వులు,
నాకెన్ని కళ్ళు కావాలో 
నీ అందాన్ని 
ఆస్వాదించడానికి..


ఒక్కసారిగా అయోమయం
అటు తూర్పును చూడాలా
ఇటు నిన్ను చూడాలా??


తన్మయత్వంతో కళ్ళు మూసుకున్నాను
ఆ ఆకాశంలో 
ఉదయిస్తున్న సూర్యుడి పక్కన
నవ్వుతూ.. నన్నే చూస్తూ ...
నువ్వే!!!