నిజమయిన ప్రేమ ఆకాశానిదే అని...

నా ఈ గుప్పెడు గుండె లో సముద్రమంత ప్రేమ
అందులో ప్రతీ భిందువు ప్రేమే
ఆకాశం ఆశగా చూస్తుంది నా ప్రేమ కావాలంటు
కాని ఆకాశం అందదే , ఎలా ఇవ్వాలి నా ప్రేమను
గుప్పెడు గుండెను కాస్త కరిగించాను
సముద్రమంత ప్రేమ లో ఒక్క బిందువు భాష్పం అయింది
అకాశాన్ని అందుకుంది
ఆకాశం ఆనందంతో ఉక్కిరి బిక్కిరి అయింది
ఇంకాస్త ప్రేమ కావాలంది
ఆకాశం ఆనందం చూసిన నేను
నా గుండెను ఇంకాస్త కరిగించాను
మరింత ప్రేమను అందించాను
అకాశం ఇంకాస్త ఆనంద పడింది
అల అలా నా సముద్రమంత ప్రేమని మొత్తం ఇచ్చేసాను
ఇక నాకెం మిగిలింది ఇక అన్న బాధతో
నా గుండె వైపు చూసాను
అద్భుతం, ఆశ్చర్యం
ఇంకాస్త పెద్ద సముద్రమంత ప్రేమ నాలొ ఉంది
అప్పుడు అర్ధం అయింది
నేను ప్రతీసారి ఇచ్చిన కొంత ప్రేమకి
ఆకాశం మరింత ప్రేమ వర్షం రూపంలో ఇచ్చింది అని
నిజమయిన ప్రేమ ఆకాశానిదే అని