వెదికి చూడు ప్రియతమా నీమీద నాకున్న ప్రేమ.......
ఎగిసి పడే హృదయ..  “నా” హృదయ తరంగాల నుండి...
వెదికి చూడు ప్రియతమా నీమీద నాకున్న ప్రేమ
నిను దాచుకున్న “నా” కనురెప్పల నుండి......
వెదికి చూడు ప్రియతమా నీ మీద నాకున్న ప్రేమ
నాలో నిలుపుకున్న “నీ” తలపుల నుండి...
వెదికి చూడు ప్రియతమా నీమీద నాకున్న ప్రేమ





జాడలేని ప్రాణం రూపాన్ని.... పరిచయం చేశావు
నేనెరగని నన్ను నాకే కొత్తగా చూపించావు
చేతికందని నింగిలోని తారల్ని నవ్వుతూ దోసిళ్లలో పోశావు
సరసమైనా తెలియని మనసుకు విరహాన్ని రుచి చూపించావు
మాధుర్యం తెలియని జీవితంలో వసంతాలు రప్పించావు
అన్నీ తెలిశాక మాత్రం అందనంత దూరాన నిలిచావు....ఎప్పుడు కరునిస్తావు ప్రియతమా ...





నా ప్రాణం నీ దగ్గర ఉండిపోయింది
నీతో నన్ను ఊహించుకుంటూ నా మది
మురిసిపోయింది
నీ అభిమానానికి నా హృదయం పొంగిపోయింది
ఆ అభిమానానికి
అర్థం తెలిసి నా గుండె ఆగిపోయింది
నీతో చెప్పాలనుకున్న మాట నా పెదాలపై
కరిగిపోయింది
తీగ తెగిన వీణలా నా గొంతు మూగబోయింది
నీకోసం
ప్రాకులాటలో నా మనసు అలసిపోయింది
ఏంటో ఇదంతా కలలా జరిగిపోయింది
కాని
నీకు తెలియదు, నా ప్రాణం నీ దగ్గర ఉండిపోయింది.....





నేస్తమా ,
             నీ కళ్ళలో దాగి ఉన్న కలలను ఊహించాను..నిన్ను కలవక ముందే ........
             ప్రశాంతమైన నీ మనసులో అలజడిని చూసాను,నువ్వెవరో తెలియకముందే..........
             పదిలమైన నీ నవ్వులను పంచుకున్నాను.....నీ చెంతకు చేరకముందే...........
             సుమనోహరమైన నీ స్నేహ పరిమళాన్ని ఆస్వాదించాను,నీ చూపు నన్ను తాకక ముందే....
             నా జీవితమే నువ్వై పోయావు ...నా దరికి నువ్వు రాకముందే.
                          తిరిగి ఎప్పుడు దర్సనమిస్తావు??







నా ఊపిరి ఆగిపోయే వరకు.. నిన్ను ప్రేమిస్తాను..
నా ప్రాణం నిలిచి ఉన్నంత వరకు.. నిన్ను ప్రేమిస్తాను..
నా కనులు ఈ లోకాన్ని చూసినంత వరకు.. నిన్ను ప్రేమిస్తాను..

వాన చినుకుల పలకరింపులో నిను చూసిన ఆ మొదటి నిమిషం..
నా హృదయ స్పందన తెలిపింది..నిన్ను నేను ప్రేమించానని..
నీ కోసమై.. నేను ఎదురు చూస్తూ ఉన్నానని..

మాటలు కలిపే ప్రయత్నంలో.. మాటలు మరచిన ఆ నిమిషం..
నా మౌనం తెలిపింది..నిన్ను నేను ప్రేమించానని..
నీ పలకరింపుకై .. పరితపిస్తూ ఉన్నానని..

నీ చేతి స్పర్స తో మనసు ఉప్పొంగిన ఆ నిమిషం..
నా గుండెలోని అలజడి తెలిపింది..నిన్ను నేను ప్రేమించానని..
నీ ఆత్మీయ స్పర్సతో..మైమరచి పులకరిస్తూ ఉన్నానని..

నిన్ను చూడని నిమిషాన..వేదన చెందిన నా మనసుకి తెలుసు..
కన్నీరు కార్చిన కనులకు తెలుసు ..
మౌనం ఆశ్రయించిన పెదవులకు తెలుసు ..
ఉసూరు మంటున్న ప్రాణానికి తెలుసు..
నిన్ను నేను ప్రేమించానని...
నీ కోసం పిచ్చిగా... ఎదురు చూస్తూ ఉన్నానని..

కానీ..
ఎలా చెప్పను..ఇంకేమని చెప్పను.. ఇంకెన్నని చెప్పను..
నా ప్రాణం నువ్వని.. నా ఊపిరి నువ్వని.. నా రేపటి గమ్యం నువ్వని..

వినపడుతుందా ప్రియతమా..
నా మాట వినపడుతుందా..

ఒక్కటి నిజం..

నా ఊపిరి ఆగిపోయే వరకు.. నిన్ను ప్రేమిస్తాను..
నా ప్రాణం నిలిచి ఉన్నంత వరకు.. నిన్ను ప్రేమిస్తాను..
నా కనులు ఈ లోకాన్ని చూసినంత వరకు.. నిన్ను ప్రేమిస్తాను.. ప్రేమిస్తాను.






కలల తీరం నీ వైపుకు అడుగులు వేసింది..
ప్రణయ గీతం నీ మాటలు గుర్తు చేస్తుంది..
ప్రతి నిమిషం వెంట నడిచే నీ ఊసుల నిట్టూర్పు.. మనసుకి తీరని గాయం చేస్తుంది.
కనులు మూసినా.. కనులు తెరిచినా.. నీ స్నేహం.. మనసుని కలవర పెడుతుంది.

కలలా కలిసిన నీ స్నేహం.. కలలా చెదిరి పోతుంటే.. కన్నీరు నా లోకమైంది..
ఒంటరితనం నా ప్రపంచమైంది..
మాటలు మూగబోయి.. మనసు మౌనంగా రోదిస్తుంది.
నా ఆశల చితి మంటలు చూస్తూ వెక్కి వెక్కి ఏడుస్తుంది.


నీ ప్రేమ కోసం నే భాదని అనుభవిస్తే.. "ఆ భాద నా ఆనందాలను దూరం చేసిందేగా" అన్నావ్..
ప్రేమ అంటే ఇంతేనా.. మనుషులంతా ఇంతేనా...
నిజమైన ప్రేమకి అర్ధం.. నిరాశేనా!!!








అబద్ధం... అంతా అబద్ధం..
మాటలు చెప్పే మనసు అబద్ధం..
ప్రేమని పంచే మాటలు అబద్ధం..
నిన్ను నిన్నుగా కోరుకునే మనిషి అబద్ధం..
నీ తోడుగా నడిచే అడుగులు అబద్ధం..

ప్రాణం పెంచుకునే ప్రేమ అబద్ధం..
నీతి అబద్ధం..
నిజాయితీ అబద్ధం..
చచ్చేంత ప్రేమ అబద్ధం..

రంగుల ఈ లోకంలో ప్రతి రంగు ఒక అబద్ధం..
అద్దంలో కనిపించే నీ రంగూ ఒక అబద్ధం..
రంగులు పులుముకుంటూ అసలు రంగును మరచి పోతూ..
మనల్ని మనం మోసం చేసుకుంటూ బ్రతకడమే ఇక్కడి నిజం..
నమ్మి తీరాల్సిన నిజం.. నమ్మ లేని నిజం..





చల్లని ఈ గాలికి నీకు నాకు మాత్రమే తెలుసు..
ఈ క్షణం నీ ఊసులను ఈ చల్లని గాలి మోసుకొచ్చిందని..

నా కనులలో కన్నీటికి.. నీకు.. నాకు మాత్రమే తెలుసు..
నా మనసు నీ జతని కోరుతూ విలవిలలాడుతుందని..

కాలం ఒడిలో ఎన్నో మధుర జ్ఞాపకాలు...
నీ జతలో నేను అనుభవించిన ఆ తీపి జ్ఞాపకాలు..
కరుగుతున్న ఈ కాలానికి..నీకు.. నాకు మాత్రమే తెలుసు.
కలలను.. కబుర్లను.. రాబోయే కాలపు మధురానుభూతులను...
మనసు పలకపై లిఖించుకున్న నీకు నాకు మన ఆశలకు మాత్రమే తెలుసు..
జంటగా వేసే అడుగులకై ఈ ఒంటరితనం ఎంతగా కలవార పడుతుందో అని..

నీ తీయని స్నేహం కోసం ఎదురు చూసే కనులకి..
నీ చేతి స్పర్స కోసం ఎదురు చూసే తపనకి..
నీ ఊసులు మోసుకొచ్చే నిన్నటి జ్ఞాపకానికి... ప్రతి క్షణానికి..
నువ్వొక తీయని జ్ఞాపకం..
మరువ లేని.. మరపు రాని ఒక మధుర జ్ఞాపకం.


కరుగుతున్న ఈ కాలం నిన్ను దూరం చేస్తుంటే..
పెరుగుతున్న ఈ దూరం నిన్ను దగ్గర చేస్తుంది..







కలలా నను కలిసావ్..
కలవరమై నా మనసులో మిగిలిపోయావ్ పోయావ్..
కనుమూసి తెరిచేలోగా కన్నీరై కరిగిపోయావ్..
కల కాదు నిజమిది చూడమంటూ.. నా కనులు తెరిపించి వెళ్లిపోయావ్..
నిను వలచిన నన్ను విడిచి వెళ్లి పోయావ్..

మునుపెన్నడూ తెలియదు నాకు ఈ ఆవేదన...
ప్రేమంటే ప్రేమించటమే అనుకున్నాను..
ప్రేమించబడటం కూడా ఉంటుందని నన్ను వదిలి నాకు తెలిపావ్.
కన్నీటిని నాకు తోడుగా ఉంచి.. నీ జ్ఞాపకాల కోటలో నన్ను బంధించి వెళ్లిపోయావ్...

జ్ఞాపకాలతో....







బాధ నా మనసుది కాదు.. నా ఊపిరిది..
దానికేం తెలుసు.అది నిన్నెంతగా శ్వాసించిందో..

భాద నా మనసుది కాదు.. నా నమ్మకానిది..
దానికేం తెలుసు.. నా మూగ ప్రేమ నిన్నెంతగా నమ్మిందో..

బాధ నా మనసుది కాదు.. నా కనులది.
దానికేం తెలుసు.. నా కనులు నీకోసం ఎంతగా కన్నీరు కార్చాయో..

బాధ నా మనసుది కాదు.. నువ్వు విడిచి వెళ్ళిన ఈ నా ఒంటరితనానిది..
దానికేం తెలుసు..ఈ ఒంటరితనం నన్నెంతగా గుచ్చి గుచ్చి వేదిస్తుందో..

వెచ్చని నా కన్నీటికి మనసులేకున్నా..
నా మనసుని ద్రవింప చేసింది..
నువ్వు తోసి వెళ్ళిన నా ప్రేమని చూసి..

రూపం లేని నమ్మకమైనా..
నా మనసుని చలింప చేసింది.
నువ్వు నువ్వు విడిచి వెళ్ళిన చీకటిని చూసి.

మాటలు చెప్పలేని నా శ్వాస కుడా ..
నా మనసుని చలింప చేసింది..
నువ్వు బద్దలు చేసిన నా గుండెని చూసి........