శివ తత్వాన్ని, శివాన్ని అర్ధం చేసుకోవాలంటే..

ఒక రాత్రి చాలదు..

ఒక జన్మ కూడా చాలదు..

సరే మరి జన్మ తత్వాన్ని నమ్మిన వాళ్ళకే అనుకోండి..



గిరిజన దేవుడు..సహ చర జీవుడు..

ఆద్యంత రహితుడు..పరమ శివుడు..

ఇవాల్టి జనం..సమయం లేని తరం

తన మనసులో కూడా తనకి తప్ప

దేనికీ చోటివ్వని ..గందరగోళంలో..

అలవోకగా అర్ధభాగాన్ని అర్ధాంగికి ఇచ్చిన..

ప్రేమ స్థిత కారుడు..

తన దుఖాన్ని దాక్షి’న్యంగా దహియించిన లయకారుడు..





వైరుధ్యం అతని లయం.. సమత అతని బలం..

నిస్సంగత్వ ..బైరాగత్వం..అతని అభిమతం..

ఇది కూడా నేర్చుకోలేకపోతున్నామా..మనం?

ఒక భోగ శంకరంలోని.. శాంకరిని లయించలేకపోతున్నాం..

ఒక భోళా శంకరుడి లోని..నిజాయితీ చూడలేకపోతున్నాం..



విరాగి.. కాదు బైరాగి అంటే..

విపరీతం కాని వైరుధ్యాల సమాహారం బైరాగాత్వం..!

సృష్టి స్థితులను మమేకం చేయాలంటే..

గరళ పరిస్థితులను…గరళం అని తెలిసీ ..

గాత్రం దాటక బంధించాలంటే..

సమైక్య జీవనం సాధించాలంటే..

ప్రతీ వారు ..నేర్వాలి శివ తత్వం కూడిన బైరగాత్వం !!!