ఎవడి పాపాన వాడే పోతాడు!

ఎవడి పాపాన వాడే పోతాడు! అనుకుని.. అన్యాయాలను భరించడం పెద్ద బలహీనత! ఎవడు తీసిన గోతిలో వాడే పడతాడు అనుకుని.. మోసగాడ్ని వదిలెయ్యడం దిద్దుకోలేని నేరం! ఎవరు ఎలాపోతే నాకేమిటి! అనుకుని.. కళ్ళెదురు అక్రమాన్ని ఆపకపోవడం ఘోరం! ఎవరేమన్నా నా మంచి నన్ను కాపాడుతుంది! అనుకుని నోరు మూసుకోవడం అసమర్థత! ఎవరో ఒకరు రాకపోరా అని ఎదురుచూడడం! మనలో గుప్తమైన ప్రయత్నలోపం! ఎవరో ఎదగనీయడం లేదు అనుకోవడం.. ఒకరి మీద పడి ఏడిచే చేతగానితనం! ఎవడు వాడు నాకు ఎదురొచ్చేది అని.. అహంకరించడం పేరుకున్న పొగరు కు రూపం! బ్రతకడానికి అవసరమైన దినుసు ఒకటుంది! దాని పేరే విచక్షణ. విద్య కన్న అదే ముఖ్యం! నలుగుర్ని అంటూ, అనుకుంటూ బ్రతికేస్తే చాలదు! జనం మధ్య, జనం కోసం,జనం వెంట నువ్వూ వుంటావ్! మనిషి సంఘజీవే! జనం తో కలిసే బ్రతకాలి! కానీ ఎవరి జీవితం మాత్రం వారే బ్రతకాలి నేస్తం!